EDİLMƏSİ ASAN, SAVABI ÇOX OLAN ZİKRLƏR

Abdullah ibn Amr (radiyallahu anhu) rəvayət edir ki, Peyğəm­bər (sallallahu aleyhi və səlləm) dedi:

“İki xislət vardır ki, onlara daim əməl edən müsəlman kimsə mütləq Cənnətə girər. Bu iki şey çox asan şeylərdir, lakin on­lara əməl edən çox azdır”. Soruşdular: “Bu iki şey nədir, ya Rəsulallah?” O de­di: “Qoy sizlərdən hər biriniz hər namazın sonunda on dəfə Allahu Ək­bər, on dəfə Əlhəmdulilləh və on dəfə Subhanəllah desin. Bu de­yi­­lənlər dildə yüz əllidir, tərəzidə isə min beş yüzdür”. – Mən Pey­ğəm­bərin (sallallahu aleyhi və səlləm) bunları barmaqları ilə saydığını gördüm. “(İkinci xis­lət: Qoy sizlərdən hər biriniz) yatağına girdiyi zaman (otuz üç dəfə) Sub­hanəllah, (otuz üç dəfə) Əlhəmdulilləh və (otuz dörd dəfə) Allahu Əkbər desin. Bu deyi­lənlər dildə yüzdür, tərəzidə isə min­dir. Elə isə sizlərdən hansı biriniz gecə-gündüz iki min beş yüz gü­nah iş görür?” (Səhabələrdən biri) dedi: “Ey Allahın elçisi! Necə ola bilər ki, adam bunlara daim əməl etməsin?” O dedi: “Sizdən biriniz namaz qılarkən şeytan gəlib ona filan və filan işi xatırladar və o bunları zikr etməz”.

Peyğəmbərin (sallallahu aleyhi və səlləm) əxlaqı / 578-ci fəsil, (1216), Səhihdir