PEYĞƏMBƏRİN ƏXLAQI:

HEYVANLARA QARŞI MƏRHƏMƏTİ 

Peyğəmbər (sallallahu aleyhi və səlləm) camaatı heyvanlara qarşı mərhəmətli olmağa təşviq edir, onları artıq yükləməkdən və işgəncə verməkdən çəkindirirdi. Hədisdə deyilir: “Allah hər şeyə yaxşılıq etməyi vacib etmişdir. Öldürdükdə yaxşı öldürün, kəsdikdə yaxşı kəsin. Bıçağınızı itiləyin ki, kəsdiyiniz heyvana əziyyət verməyəsiniz” (Muslim: 1955).

Səhabələrdən biri deyir ki, Peyğəmbər (sallallahu aleyhi və səlləm) qarışqa yuvasını yandırdığımızı görüb: “Bunu kim yandırıb?” – deyə soruşdu. Biz isə: “Biz yandırmışıq” – deyə cavab verdik. O dedi: “Atəşin Rəbbindən başqa heç kəsin odla əzab vermək haqqı yoxdur” (Əbu Davud: 2675).