"ALLAHDAN QORXUN VƏ BÖYÜKLƏRİNİZİ UCA TUTUN!"
Hukeym ibn Qeys ibn Asim (Allah ondan razı olsun) rəvayət edir ki, onun atası ölərkən oğlanlarına belə tövsiyə etmişdir:
“Allahdan qorxun və böyüklərinizi uca tutun! Çünki bir camaat öz böyüklərini uca tutduqca, (bu böyüklər) onların atalarını əvəz edər. Kiçiklərini uca tutduqda isə, bu hərəkət onları həmyaşlıları arasında rəzil edər. Var-dövlət qazanın və onu (yaxşı işlərə) sərf edin! Çünki var-dövlət həm səxavətli adam üçün şərəfdir, həm də onun sayəsində xəsis adama möhtac olmursan. İnsanlardan bir şey istəməkdən çəkinin. Çünki bir şey istəmək insanın son qazancıdır (çarəsiz qalmış kimsənin son yoludur). Mən öləndə vay-şivən salmayın. Çünki (səhabələr) Peyğəmbər (sallallahu aleyhi və səlləm) üçün vay-şivən salmamışlar. Mən öləndə məni elə bir yerdə basdırın ki, Bəkr ibn Vail mənim harada dəfn edildiyimi bilməsin. Çünki mən cahiliyyət dövründə onlara özlərinin də xəbəri olmadan zərər vurmuşam”.
Peyğəmbərin (sallallahu aleyhi və səlləm) əxlaqı. (361) 167-ci fəsil. Böyükləri uca tutmaq
Comments
Post a Comment